Ναβουχοδονόσορ
Έτους δισχιλιοστού και οκτωκαιδεκάτου Ναβουχοδονόσορ ο
βασιλεύς εποίησε εικόνα χρυσήν και ονόμασεν αυτήν «Πορθητήν», του διαπλείν
πελάγη και πορθείν πάσαν ξένην θάλασσαν και διακορεύειν τον βυθόν αυτής έως αν
εξέλθωσιν αι πνοαί της θαλάσσης και γένωνται πυρ εξολοθρεύον. Και εκάλεσε τους
υπάτους και τους στρατηγούς και τοπάρχας και ο κήρυξ εβόα: ΄Η αν ώρα ακούσητε
της φωνής της σάλπιγγος, σύριγγός τε και κιθάρας, σαμβύκης τε και ψαλτηρίου,
συμφωνίας και παντός γένους μουσικών, πίπτοντες προσκυνείτε τη εικόνι τη χρυσή,
διανοίγετε τας αγκάλας και δέχεσθε τον «Πορθητήν», σύμβολον ειρήνης. Και η
Κύπρις απέστειλε τρεις παίδας, απωλέσαντας το πρόσωπον κατά την οδόν. Κι ο μέν
απώλεσε και τας χείρας, ο δε και τους πόδας, ο δε τρίτος τους οφθαλμούς και τα
ώτα, έσχε δε γλώσσαν αχάλινον. Και έλεγεν ο ερυθρός ούτος τοις εταίροις: Ο
βεζύρης κηρύττει συνομοσπονδίαν και δύο κράτη, δεύτε ομιλήσωμεν τω τοπάρχη,
δεύτε διαμοιράσωμεν τα υπάρχοντα, δεύτε ανοίξωμεν τας αγκάλας τοις αδελφοίς
τοις υπό τον τοπάρχην, αύτη η μόνη λύσις, διαλεγώμεθα και η Κύπρις σωθήσεται.
Και ο μέν χωλός τους πόδας και ο τας χείρας απέστρεφον το πρόσωπον, άπαντες γαρ
ένοχοι ήσαν δουλείας. Και η Κύπρις εθρήνει τον Άδωνιν και ανέμενεν αυτόν
εγερθήναι εκ νεκρών του καθαρίσαι το πρόσωπον αυτών του ιδείν και ακούειν και
γιγνώσκειν. Και η νυξ βαθεία και ο Άδωνις εκάθευδεν. Μόνα τα βάθη της θαλάσσης
των φρονίμων ηγρύπνουν και φωνή δικαίου συνετάρασσεν αυτούς: Μη δότε τα άγια
τοις κυσί. Μη προσκυνείτε τη εικόνι τη χρυσή. Ανδρείζεσθε και κρατεούσθε. Ως ο
Σεδράχ,Μισάχ και Αβδεναγώ ούτως εξελεύσεσθε της καμίνου του πυρός της
καιομένης. Αποκαταστήσατε έκαστος το ίδιον αυτού πρόσωπον. Επ’ ελευθερία
εκλήθητε. Ακούσατε τα βάθη της ψυχής υμών και ίδετε την αλήθειαν. Δούλός εστιν
ο κύπτων αυτός τον αυχένα. Ο ελεύθερος ανυπότακτος υπομένει και εις τέλος
σωθήσεται. Οι αδικηθέντες, οι εξορισθέντες του παραδείσου, οι θρηνούντες άχρι
του νυν αγνοουμένους, τεθνεώτας και κακοποιηθέντας, οι εγκλωβισμένοι και
ελπίζοντες μη υποτάσσεσθε τω βασιλεί, τω βεζύρη και τω τοπάρχη αυτών. Η οδός
τραχεία. Εστέ έτοιμοι.
